Վերջերս տեղեկություններ էին տարածվել, որ Լիոնել Մեսսին կարող է հեռանալ «Բարսայից»։ Այս մասին խոսել է թիմի գլխավոր մարզիչ Կիկե Սետյենը։
«Կարծում եմ, որ ղեկավարությունում ճգնաժամ ցանկացած մեծ ակումբում կարող է լինել: Ցավալի է, որ դա հայտնվում է մեդիայում: Նախընտրելի է աշխատել ավելի հանգիստ պայմաններում, բայց ունենք այն, ինչ ունենք:
Չեմ կարծում, որ այն, ինչ տեղի է ունենում ակումբում, կարող է ստիպել Մեսսիին հեռանալ: Վստահ եմ, որ նա կարիերան ավարտելու է «Կամպ Նոուում», – ասել է Սետյենը: