Ուելսի դեմ խաղում` Ադրբեջանի հավաքականի պաշտպանը զավեշտալի ինքնագոլի հեղինակ է դարձել

Երեկ ՝ Սեպտեմբերի 6-ին, Եվրո 2020-ի ընտրական փուլի շրջանակներում կայացավ Ուելսի և Ադրբեջանի հավաքականների հանդիպումը:

Ադրբեջանցիների պաշտպան Պավել Փաշաևը բացեց խաղի հաշիվը։ Փաշաևը գնդակը ուղարկել է սեփական դարպասը։ Ուելսցի Գարեթ Բեյլի հարվածից հետո գնդակը անդրադարձով հայտվեց Փաշաևի գլխավերևում, իսկ ադրբեջանցին  չնկատեց գնդակը և դարձավ 2019-ի ամենազավեշտալի գոլերից մեկի հեղինակը։

Հիշեցնենք, որ այս հանդիպումն ավարտվեց 2-1 հաշվով՝ հօգուտ Ուելսի հավաքականի։ Այս հաղթանակը Ուելսին բերում է 3 միավոր և նրանք E խմբում Հունգարիայի հետ շարունակում են առաջատարի ուղին։