Շախմատի Հայաստանի հավաքականի առաջատարներ Լևոն Արոնյանը ու Գաբրիել Սարգսյանը սոցիալական ցանցերում կատարծ իրենց գրառումներով սուր քննադատության են ենթարկել Շախմատի միջազգային ֆեդերացիային (ՖԻԴԵ), որն առաջին անգամ անցկացված օնլայն Օլիմպիադայի չեմպիոններ է հռչակել Ռուսաստանի և Հնդկաստանի թիմերին։
«Պետք է ենթադրել, որ ինչպես միշտ, մեզնից ոմանք քիչ անջատված են ինտերնետից, քան մյուսները»,- Twitter-ում գրել է Լևոն Արոնյանը՝ ավելացնելով #1984-ը՝ ակնարկելով Օրուելի «1984» հակաուտոպիան։
I guess like always some of are less disconnected that the others #1984
— Levon Aronian (@LevAronian) August 30, 2020
«Ինչպիսի խայտառակություն։ Արկադի Դվորկովիչ և Էմիլ Սուտովսկի, դուք ձախողվեցիք։ Դուք ամբողջ շախմատային աշխարհին ցույց տվեցիք, որ չունեք բարոյական սկզբունքներ»,- գրել է Գաբրիել Սարգսյանը Facebook-ի էջում։
https://www.facebook.com/gabriel.sargissian/posts/10216811170247280
Հիշեցնենք, որ քառորդ եզրափակիչում Հայաստանի թիմը Հնդկաստանի հետ դիմակայության առաջին ռաունդում դարձյալ սերվերի հետ կապի ընդհատման պատճառով Հայկ Մարտիրոսյանի տանուլ տված պարտիան բողոքարկել էր, սակայն ՖԻԴԵ-ն չէր բավարարել բողոքարկումը։ Հայաստանի թիմը բոյկոտել էր և հրաժարվել հետագա պայքարից։