Թուրքական Ադանա նահանգում այսօր տեղի է ունեցել խոշոր ավտովթար։ Կողաշրջվել է տասնյակ մարդկանց տեղափոխող ավտոբուս։
Պատահարի հետևանքով առնվազն երկու մարդ մահացել է։ Այս մասին հայտնում է տեղական մամուլը։
Ավտոբուսի բոլոր ուղևորները, ըստ նախնական տվյալների, եղել են Թուրքիայի քաղաքացիներ։ Նրանցից 23-ը տեղափոխվել են մոտակա բժշկական կենտրոն։
Պատահարի պատճառների մասին վարկածներ առայժմ չեն հրապարակվում։
