Երևանի հանրային տրանսպորտային համակարգում զգալի փոփոխություններ են նախատեսվում նոր ներկրված տրոլեյբուսների շահագործման շրջանակում։ Երևանի քաղաքապետարանի նախաձեռնությամբ պատրաստված որոշման նախագծով կփոփոխվեն որոշ երթուղիներ՝ նպատակ ունենալով բարձրացնել ուղևորափոխադրումների որակը և նվազեցնել երթուղային սպասման միջակայքերը։
Նոր տրանսպորտային ծրագիրը ներառում է համար 2Ա և 10Ա երթուղիների վերակազմակերպում։ Համար 2Ա երթուղին միավորվելու է համար 2 երթուղու հետ, որի գիծը երկարացվելու է մինչև Նուբարաշեն՝ ընդգրկելով նոր «Ժոնգթոնգ» մակնիշի տրոլեյբուսներ։ Այս երթուղում շարժակազմի քանակը կավելացվի 5 միավորով՝ հասնելով 13-ի, ինչը կնվազեցնի սպասման միջակայքը 21 րոպեից մինչև 15 րոպե։
Համար 10Ա երթուղին կշարունակի իր աշխատանքը համար 10 երթուղու տակ՝ «Յութոնգ» մակնիշի տրոլեյբուսների հետ միասին։ Երթուղում շարժակազմի քանակը նույնպես կավելանա՝ կազմելով 13 միավոր, ինչը հնարավորություն կտա նվազեցնել սպասման միջակայքը 21 րոպեից մինչև 11 րոպե։
Այս փոփոխությունները դրական ազդեցություն կունենան նաև այլ երթուղիների վրա։ 1, 9 և 15 համարի երթուղիներում շարժակազմի քանակի ավելացումը կնվազեցնի սպասման միջակայքերը, ինչի արդյունքում ուղևորափոխադրումները կդառնան ավելի հարմարավետ և արդյունավետ։
ԽՈՐՀՈւՐԴ Է ՏՐՎՈւՄ ԿԱՐԴԱԼ
