Երևանի քաղաքապետարանի և «Yandex Armenia»-ի միջև ստորագրվել է մտադրությունների և համագործակցության վերաբերյալ հուշագիր:
«Տվյալների փոխանակում՝ քաղաքային միջավայրի բարելավման համար» նախագիծը միտված է Երևանում տրանսպորտային ենթակառուցվածքների արդյունավետության բարձրացմանը։
Հուշագրի շրջանակում իր տեխնիկական և իրավական հնարավորությունների շրջանակում «Yandex Armenia»-ն քաղաքապետարանին կտրամադրի վերլուծական տվյալներ, որոնք կարող են նպաստել տրանսպորտային համակարգի կենտրոնացված կառավարման ներդրմանը։
Հուշագրի շրջանակում «Yandex Armenia»-ն պատրաստ է Երևանի քաղաքապետարանին տրամադրել քաղաքային շարժունակության և նավիգացիայի, փողոցների և կանգառների, ինչպես նաև հասարակական տրանսպորտի երթուղիների վերաբերյալ վերլուծական տվյալներ, որոնք չեն պարունակում անձնական տեղեկատվություն։
Դրանք կօգնեն օպտիմալացնել երթևեկությունը՝ ներդնելով խելացի լուծումներ, որոնք կբարձրացնեն հասարակական տրանսպորտի հարմարավետությունն ու կանխատեսելիությունը քաղաքացիների համար։