Այսօր՝ ապրիլի 23-ին Արցախի պաշտպանության նախարար, ՊԲ հրամանատար, գեներալ-լեյտենանտ Կամո Վարդանյանը ընդունել է Կարմիր Խաչի միջազգային կոմիտեի Լեռնային Ղարաբաղի առաքելության պատվիրակությանը՝ ղեկավար Նիկոլաս Ֆլյորիի գլխավորությամբ:
Այս մասին տեղեկանում ենք Արցախի ՊԲ պաշտոնական էջից։
- Բազմաթիվ սպաներ 44-օրյա պատերազմի ընթացքում իրենց մարտական ծառայության պարտականությունները պատշաճ չեն կատարել․ Դավթյան
- Վանեցյանի նմանները մի 2 արկի ձայն լսելուց փախնում էին, հետո բոլորին դավաճանության մեջ մեղադրում․ Իոաննիսյան
«Հանդիպման ընթացքում քննարկվել են հումանիտար բնույթի լայն շրջանակի հարցեր, երկուստեք ձեռք է բերվել պայմանավորվածություն՝ համագործակցության հետագա խորացման ուղղությամբ:
Կամո Վարդանյանը Նիկոլաս Ֆլյորիին շնորհակալություն է հայտնել Արցախում իրականացվող մարդասիրական տարբեր ծրագրերի և հատկապես հետպատերազմական իրողություններով պայմանավորված խնդիրների լուծման համար և պատրաստակամություն հայտնել այսուհետ ևս ամեն ինչ անել առաքելության գործունեությանը աջակցելու համար», – ասված է ԱՀ ՊՆ մամուլի ծառայության տարածած հայտարարութունից:
