Ուկրաինայի նախագահ Վլադիմիր Զելենսկու «Ժողովրդի ծառա» հեռուստասերիալը արգելափակվել է Youtube-ի բոլոր օգտատերերի համար: Սերիալի գլխավոր դերասանը հենց ինքը Զելենսկին է:
Սերիալի նկատմամբ իրավունքները պատկանում են Սերգեյ Պուշկինին: Վերջինս նշել է, որ արգելափակումը կլինի ժամանակավոր և կապված է իրավական հարցերի հետ:
«Սերիալը կրկին հասանելի կլինի, երբ մենք կարգավորենք իրավական հարցերը»,-ասել է նա՝ ակնկալելով, որ դրանք հնարավոր կլինի լուծել առավելագույնս սեղմ ժամկետում։
