Գերմանիան չի թուլացնի իր ռազմական աջակցությունն Ուկրաինային, չորեքշաբթի հայտարարել է Գերմանիայի կանցլեր Օլաֆ Շոլցը՝ փորձելով փարատել մտավախությունները, թե Բեռլինը կարող է հիասթափեցնել Կիևին՝ ներքին բյուջեի կրճատումների և Գերմանիային նոր ռազմական օգնությունը սառեցնելու մասին լրատվամիջոցներում հաղորդագրությունների պայմաններում, հայտնել է Reuters-ը:
Շոլցը ելույթ էր ունենում հյուսիսային Տոդենդորֆ քաղաքի մոտ տեղակայված ռազմաբազայում, որտեղ շահագործման է հանձնվել Գերմանիայի առաջին միջին հեռահարության հակաօդային պաշտպանության IRIS-T SLM համակարգը:
«Գերմանիայի աջակցությունն Ուկրաինային չի դադարի: Մենք պատրաստել ենք պահուստներ, կնքել ենք (պաշտպանական) գործարքներ և ժամանակին ապահովել ֆինանսավորում. Ուկրաինան ապագայում լիովին կապավինի մեզ»,- նշել է Շոլցը։
Օգոստոսի կեսին եվրոպական պաշտպանական բաժնետոմսերը անկում ապրեցին, երբ Frankfurter Allgemeine Sonntagszeitung (FAS) պարբերականը հայտնեց, որ Գերմանիայի ֆինանսների նախարարությունը բյուջեի սահմանափակումների պատճառով չի հաստատի Ուկրաինային ռազմական օգնություն տրամադրելու լրացուցիչ հայտերը:
ԽՈՐՀՈւՐԴ Է ՏՐՎՈւՄ ԿԱՐԴԱԼ
