Մադրիդի «Ռեալի» գլխավոր մարզիչ Զինեդին Զիդանը հերքել է այն տեղեկությունը, թե ինքը թիմի խաղացողներին ասել է, որ պատրաստվում է հեռանալ ակումբից։
Այս մասին նա ասել է երեկ Բիլբաոյի «Ատլետիկի» նկատմամբ տարած հաղթանակից հետո։
Զիդանը հռետորական հարց է հղել, թե ինչպես ինքը կարող էր մրցաշրջանի այս հատվածում նման բան ասել իր խաղացողներին։
Նա նշել է, որ իրենք կենտրոնացած են մրցաշրջանի վերջնամասի վրա և այլ բանի մասին չեն մտածում։

