Դերասանուհի Զոյի Դոյչը պաշտոնապես հերքել է այն լուրերը, թե ինքն ու իր նշանածը՝ Ջիմի Տատրոն, գաղտնի ամուսնացել են։ Just Jared-ի հաղորդմամբ՝ շփոթությունը սկսվել է հունիսի 23-ին, երբ 31-ամյա դերասանուհին Instagram-ում հրապարակել է մի շարք լուսանկարներ՝ նշելու իրենց նշանադրության մեկամյակը։
Լուսանկարներում Դոյչը պատկերված է սպիտակ զգեստով, իսկ Տատրոն՝ կոստյումով, ինչը երկրպագուների մոտ հարսանեկան արարողության տպավորություն է ստեղծել։ Ի պատասխան բազմաթիվ շնորհավորանքների՝ Դոյչը մեկնաբանություններում պարզաբանել է. «Ոչ, մենք ամուսնացած չենք, ես պարզապես պատահաբար եմ նման հագուստ ընտրում։ Կներեք»։
Պարզվել է, որ հրապարակված լուսանկարներն արվել են դեռևս 2025 թվականի նոյեմբերին՝ Լոս Անջելեսում կայացած LACMA Gala-ի ժամանակ։ Զույգը միասին է ավելի քան հինգ տարի, իսկ նշանադրության մասին լուրը հաստատել էին անցյալ տարի։
Անձնական կյանքի շուրջ ծագած քննարկումներին զուգահեռ՝ Զոյի Դոյչը հաջողություններ է գրանցում նաև մասնագիտական ոլորտում։ Նրա նոր՝ Voicemails for Isabelle ռոմանտիկ կատակերգությունը ներկայումս գլխավորում է Netflix-ի վարկանիշային աղյուսակը։ Դերասանուհուն հուլիսին հնարավոր կլինի տեսնել նաև Minions & Monsters անիմացիոն ֆիլմում (պրեմիերան՝ հուլիսի 1) և Gail Daughtry and the Celebrity Sex Pass կատակերգությունում (հուլիսի 10)։