Շրի Լանկայի մահապարտների թվում եղել են եղբայրներ Կոլոմբոյի ամենահարուստ ընտանիքից

Շրի Լանկայի մահապարտ ահաբեկիչներից 2-ը եղել են համեմունքի խոշորագույն արտահանողներից մեկի որդիները։ Նրանք եղել են մայրաքաղաք Կոլոմբոյի ամենահարուստ մուսուլմանական ընտանիքից։ Աս մասին հայտնում է CNN-ը՝ հղում անելով իր աղբյուրներին։

Խոսքը Ishana Exports ընկերության հիմնադրի որդիներ Իմսաթ Ահմեդ Իբրահիմի և Իլհամ Ահմեդ Իբրահիմի մասին է։

Աղբյուրների փոխանցմամբ՝ նրանց հայրը՝ Մուհամմադը, եղել է հարձակումներից հետո ձերբակալված մի քանի տասնյակ մարդկանց շարքում։ Նրան որևէ մեղադրանք չի առաջադրվել։