Oxford Economics գիտահետազոտական ինստիտուտի կանխատեսումներով՝ 2035 թվականին աշխարհի ամենամեծ թվով բնակչություն ունեցող քաղաքը կլինի Ինդոնեզիայի մայրաքաղաք Ջակարտան: Այստեղ բնակչությունը կհասնի 38 միլիոնի: Ջակարտային կհաջորդի Տոկիոն՝ 37,8 միլիոն բնակչությամբ, ապա չինական Չունցին քաղաքը, որտեղ բնակչության թիվը կհասնի 32,2 միլիոնի: 10 ամենաբնակեցված քաղաքների թվում կլինեն նաև Դաքքան (31,2 մլն), Շանհայը (25,3 մլն), Կարաչին (24,8 մլն), Կինշասան (24,7 մլն), Լագոսը (24,2 մլն), Մեխիկոն (23,5 մլն) և Մումբայը (23,1 մլն):
Մեկ այլ կանխատեսմամբ՝ մինչև 2035 թվականն ամենամեծ տնտեսական աճը կգրանցեն հնդկական քաղաքները՝ Սուրատը, Ագրան և Բանգալորը: Ամենահզոր տնտեսությամբ քաղաքը կլինի Նյու Յորքը, որին կհաջորդեն Տոկիոն և Լոս Անջելեսը: