Ամերիկուհի Էնն Լորիմորը նոր համաշխարհային ռեկորդ է սահմանել՝ 89 տարեկանում նվաճելով Աֆրիկայի ամենաբարձր լեռնային գագաթը՝ 5895 մ բարձրությամբ Կիլիմանջարո լեռը: Այս մասին հայտնում է ABC 15 հեռուստաալիքը:
«Մի պահ ես իսկապես անհանգստացած էի, քանի որ ընկել էի լեռը դեռ նոր բարձրանալիս: Կողերի հատվածում ուժեղ ցավ էի զգում, չէի կարողանում խորը շնչել: Ես մտավախություն ունեի, որ եթե չկարողանամ անհրաժեշտ քանակով թթվածին ստանալ, ապա չեմ կարող գործը գլուխ բերել»,- ասել է Լորիմորը լրագրողների հետ զրույցում:
Նա նշել է, որ Աֆրիկա ճամփորդությունը և վերադարձը (լեռը նվաճելով հանդերձ) իրենց 9 օր է պահանջել: