Հնդկաստանում շարունակվում են աշխարհի մինչև 20 տարեկան երիտասարդների և աղջիկների առաջնությունները: Երեկ տեղի ունեցավ մրցաշարի 8-րդ տուրը:
Երիտասարդների մրցաշարում հանդես եկող Շանթ Սարգսյանը մրցում էր առաջատար Եվգենի Շտեմբուլյակի հետ: Սպիտակներով հանդես եկող մեր շախմատիստը ուներ որոշակի առավելություն, սակայն չկարողացավ իրացնել այն, և պարտիան ավարտվեց հաշտությամբ:
8-րդ տուրում կարևոր հաղթանակ տոնեց Արամ Հակոբյանը:
Հաղթանակ տոնեց նաև Արթուր Դավթյանը:
8-րդ տուրից հետո աղյուսակը գլխավորում են 6.5-ական միավոր վաստակած երկու շախմատիստ: Արամ Հակոբյանը առաջատարներից հետ է կես միավոր, Շանթ Սարգսյանը վաստակել է 5.5, իսկ Արթուր Դավթյանը՝ 4.5 միավոր: 4.5 միավոր է վաստակել նաև աղջիկների մրցաշարում հանդես եկող Մարիամ Ավետիսյանը:
Այս մասին տեղեկացնում են Հայաստանի շախմատի ֆեդերացիայի պաշտոնական կայքից։
ԽՈՐՀՈւՐԴ Է ՏՐՎՈւՄ ԿԱՐԴԱԼ
