«Յուվենտուս»-ի հարձակվող Կրիշտիանու Ռոնալդուն ամփոփել է Իտալիայի առաջնության 17-րդ տուրի` «Սամպդորիայի» հետ խաղը (2:1), ինչպես նաև մեկնաբանել է իր հաղթական գոլը, որը խփել է 71 սմ ցատկելով: Գնդակին հարվածելու պահին պորտուգալացին գետնից 256 սմ բարձր է եղել.
«Գոհ եմ արդյունքից, բարդ խաղ էր: «Սամպդորիան» շատ լավ էր խաղում: «Յուվենտուս»-ի ֆուտբոլիստները գործին ճիշտ վերաբերմունք ցուցաբերեցին:
Ամբողջ ամիս ես ծնկի հետ կապված խնդիրներ եմ ունեցել: Հիմա ամեն ինչ անցյալում է, ես ֆիզիկապես ինձ լավ եմ զգում»,-ասել է նա
Ռոնալդուի խոսքով՝ ինքը պարզապես ցանկանում է օգնել «Յուվենտուս»-ին հաղթել և տիտղոսներ նվաճել:
Անդրադառնալով նաև իր հաղթական գոլին, որը խփել է՝ ցատկելով 71 սմ, ֆուտբոլիստն ասաց․
«Գոլս լավ ստացվեց, ուրախ եմ, որ կարողացա օգնել թիմիս 3 միավոր վաստակել: Ես 71 սմ ցատկե՞լ եմ. չգիտեի»,-նշել է Ռոնալդուն։ Այս մասին հաղորդում է Sky Sport Italia-ն:
Ա Սերիայի ընթացիկ մրցաշրջանում Ռոնալդուն 14 հանդիպման է մասնակցել, որոնցում դարձել է 10 գոլի և 1 գոլային փոխանցման հեղինակ:
