Ֆրանսիայի կենդանաբանական այգում հրդեհ է բռնկվել

Ֆրանսիայի արևմուտքի Սարտա շրջանի կենդանաբանական այգում հրդեհ է տեղի ունեցել։ Այս մասին հաղորդում է France Bleu ռադիոկայանը։

Աղբյուրի փոխանցմամբ՝ մոտ 60 չղջիկ և մի քանի սողուն է զոհվել։

Հրդեհը բռնկվել է կիրակի օրը՝ տեղի ժամանակով 06։00-ին։ Այն արագ մեկուսացրել են, սակայն շենքն ամբողջովին ավերվել է։ Աշխատակիցներից ոչ ոք չի տուժել;

Նախնական տվյալներով՝ հրդեհը տեղի է ունեցել կարճ միացման պատճառով։

Այժմ գազանանոցը նորմալ ռեժիմով աշխատում է։