ՀՖՖ Առաջին փոխնախագահ, Գլխավոր քարտուղար Արմեն Մելիքբեկյանը ՀՖՖ պաշտոնական կայքի հետ զրույցում խոսել է մասսայական ֆուտբոլի զարգացման ծրագրերի իրականացման շրջանակներում մարզային ենթակառուցվածքների զարգացման ծրագրերի և մարզերում պրոֆեսիոնալ ֆուտբոլի համար նախատեսված մարզադաշտերի կառուցման մասին:
«Մարզային ենթակառուցվածքների զարգացումը մասսայական ֆուտբոլի զարգացման մի մասն է:
Առաջին` հետազոտական փուլն արդեն ավարտվել է: Առաջին 10 խաղադաշտերը կառուցելու ենք Վայոց Ձորի մարզում, արդեն ընտրվել են բնակավայրերը, հանդիպել ենք մարզպետի, համայնքապետերի հետ ու քննարկել բոլոր մանրամասները:
Ծախսերի հիմնական մասը` ֆունդամենտը, դաշտը, արհետստական խոտածածկերի տեղափոխումը Հոլանդիայից, կատարվելու է ՀՖՖ-ի հաշվին: Ներդրում է ունենալու նաև համայնքը, կառուցելու է ցանկապատն ու գուցե` երկու լույս:
Այդ 10 խաղադաշտերն օգտագործվելու են սիրողական մրցաշարերի, մասսայական ֆուտբոլի համար, որից հետո մեր ուշադրությունը կենտրոնացնելու ենք այլ մարզերի վրա: Դաշտերի կառուցումը նախատեսում ենք իրականացնել ապրիլին: Այդ ժամանակ կունենանք մեր 10 դաշտերը»,- ասել է Արմեն Մելիքբեկյանը:
ՀՖՖ Առաջին փոխնախագահի խոսքով իրենք ուշադրություն են դարձնում նաև պրոֆեսիոնալ ֆուտբոլի վրա: Բանակցություններ են ընթանում Կապանի մարզադաշտի վերաբերյալ, ինչպես նաև մի քանի ծրագիր են փորձում իրականացնել Արմավիրում.
«Արդեն ներդրողներ կան, բանակցություններն ընթանում են: Շուտով շահագործման կհանձնվի նաև Սևանի արհեստական խոտածածկով խաղադաշտը»,- եզրափակել է իր խոսքը Արմեն Մելիքբեկյանը:
Մանրամասները՝ տեսանյութում:
Հաղորդում է armsport.am-ը։
![](https://azat.tv/wp-content/uploads/2022/09/azattvlogoblack.png)