Փետրվարի 5-ին աշխատանքային այցով Ռիգայում գտնվող Լատվիայում ՀՀ դեսպան Տիգրան Մկրտչյանը (նստավայրը՝ Վիլնյուս) երկրի խորհրդարանում (Սաեյմա) հանդիպում ունեցավ Լատվիայի խորհրդարանի փոխխոսնակ Ինեսե Լիբինա-Էգներեի (Inese Lībiņa-Egnere) հետ:
Հանդիպման ընթացքում քննարկվեցին երկու երկրների օրենսդիր մարմինների միջև համագործակցության ամրապնդմանն ուղղված հարցեր: Տիկին Լիբինա-Էգներեն նշեց, որ մոտ ժամանակներս ավարտին կհասցվի Լատվիա-Հայաստան խորհրդարանական բարեկամական խմբի ձևավորման գործընթացը, ինչը հնարավորություն կտա ավելի սերտացնելու հայ և լատվիացի օրենսդիրների միջև շփումները:
Դեսպան Մկրտչյանն իր հերթին ներկայացրեց նախորդ տարվա դեկտեմբերին տեղի ունեցած խորհրդարանական ընտրություններից հետո Հայաստանում իրականացվող բարեփոխումների ընթացքը, անդրադարձ կատարեց Լատվիայում դեսպանության կողմից իրականացվող և առաջիկայում նախատեսված միջոցառումներին:
Կողմերը քննարկեցին առաջիկայում բարձր մակարդակի փոխայցելությունների կազմակերպման և երկկողմ հետաքրքրություն ներկայացնող հարցերի լայն շրջանակ:
Նույն օրը դեսպան Մկրտչյանը հանդիպեց նաև Լատվիայի օրենսդիր մարմնի փոխքարտուղար, «Զարգացմանը՝ Այո՛» կուսակցության պատգամավոր Մարիա Գոլուբևայի հետ: Հանդիպան ընթացքում անդրադարձ կատարվեց երկու երկրների օրակարգային հարցերին, դեսպան Մկրտչյանը զրուցակցին ներկայացրեց ՀՀ Ազգային ժողովի կառուցվածքը և ուժերի դասավորությունը:
Տիկին Գոլուբևան իր հերթին ներկայացրերց այն հնարավոր ուղղություններն ու ոլորտները, որոնք կարող են օգտակար լինել Հայաստանին բարեփոխումների իրականացման ճանապարհին: Կողմերը համակարծիք էին, որ անհրաժեշտ է ակտիվացնել երկու նորընտիր խորհդարանների միջև շփումները՝ օգտագործելով խորհդարանական դիվանագիտության երկկողմ և բազմակողմ ձևաչափերը։
ԽՈՐՀՈւՐԴ Է ՏՐՎՈւՄ ԿԱՐԴԱԼ
