«Միլանի» հարձակվող Կշիշտոֆ Պյոնտեկը մեկնաբանել է Իտալիայի առաջնության 24-րդ տուրում «Ատալանտայի» նկատմամբ տարած հաղթանակը (3:1):
23-ամյա լեհ ֆուտբոլիստն այդ խաղում երկու գոլի հեղինակ է դարձել.
«Միշտ հավատացել եմ սեփական ուժերիս ու հույս եմ ունեցել, որ կարող եմ շատ գոլ խփել: Խոստովանում եմ, որ 5 խաղում 6 գոլը ավելին է, քան ես սպասում էի:
Գոհ եմ, որ հաջողվեց երկու գոլ խփել: Ցանկանում եմ շարունակել նույն ոգով: Ես հարձակվող եմ, այդ իսկ պատճառով կցանկանայի ամեն խաղում գոլ խփել»,- Պյոնտեկի խոսքերն է փոխանցում Football Italia-ն:
Կշիշտոֆը «Միլան» է տեղափոխվել «Ջենոայից» ձմեռային տրանսֆերային պատուհանի ընթացքում: Հարձակվողը նոր ակումբի հետո մինչև 2023 թվականը նախատեսված պայմանագիր է կնքել:
«Միլանը», վաստակելով 42 միավոր, Իտալիայի առաջնության մրցաշարային աղյուսակի 4-րդ հորիզոնականն է զբաղեցնում: Փետրվարի 22-ին Ջենարո Գատուզոյի թիմը տնային ստադիոնում կմրցի «Էմպոլիի» հետ` Ա Սերիայի 25-րդ տուրի շրջանակում:
Հաղորդում է armsport.am-ը։
