«Լիվերպուլի» գլխավոր մարզիչ Յուրգեն Կլոպը խոսել է Անգլիայի Պրեմիեր լիգայում չեմպիոնական պայքարի մասին:
«Իմ գլխավորությամբ «Լիվերպուլը» 3 եզրափակչի է մասնակցել: Բոլորը սիրում են եզրափակիչներ, դա հիանալի է, սակայն այդ եզրափակիչները 3 տարվա ընթացքում էին: Չեմ կարծում, թե շատ թիմեր կարող են պարծենալ եզրափակիչների նման քանակով:
Մենք անընդհատ բարելավում ենք մեր դիրքերը Պրեմիեր լիգայում, բայց ինչ-որ պահի բոլորը սկսում են ավելի լավ արդյունքներ ակնկալել: Մարդիկ սկսում են ասել, թե «Լիվերպուլն» այժմ չի խաղում այնպես, ինչպես, օրինակ, նախորդ մրցաշրջանում «Ռոմայի» հետ:
Այժմ մենք հիանալի վիճակում ենք: Եթե դուք դա չեք տեսնում և ընդունում, ոչնչով չեմ կարող օգնել: Մենք գիտակցում ենք մեր պատասխանատվությունը և ամեն ինչ անում ենք հաջողության հասնելու համար: Շատ կարևոր է հասկանալ, որ այս մրցաշրջանը մեր վերջին հնարավորությունն չէ: Սա պարզապես հնարավորություններից մեկն է, բայց հաստատ վերջինը չէ»,- Կլոպի խոսքը մեջբերել է Liverpool Echo-ն:
Հիշեցնենք, որ Պրեմիեր լիգայի 27-րդ տուրից հետո «Լիվերպուլը» 66 միավորով գլխավորում է մրցաշարային աղյուսակը՝ երկրորդ հորիզոնականը «Մանչեսթեր Սիթիին» գերազանցելով 1 միավորով:
Հաղորդում է armsport.am-ը։
