76-ամյա բոդիբիլդեր և անձնական մարզիչ ԱՄՆ-ից Ռոբի Ռոբինսոնը բացահայտել է իդեալական մարզական ձևի գաղտնիքները։ Այս մասին հայտնում է The Sun-ը։
Ռոբինսոնը սկսել է ուժային մարզումները 1975 թվականին և փայլուն կարիերա է ունեցել բոդիբիլդինգում: Նա նվաճել է «Միստր Ամերիկա», «Միստր աշխարհ» և «Միստր Տիեզերք» տիտղոսները, իսկ ավելի հասուն տարիքում դարձել է «Միստր Օլիմպիա» բոդիբիլդինգի միջազգային մրցույթի բացարձակ չեմպիոն։ Ռոբինսոնը դադարեց մրցելույթները 55 տարեկանում, բայց դեռ շարունակում է կանոնավոր կերպով մարզվել մարզասրահում:
Բոդիբիլդերը լավ ֆիզիկական կազմվածքի հիմնական գաղտնիքներն անվանել է առողջ սննդակարգը, քրտնաջան և հետևողական աշխատանքը և մարզումների հանդեպ սերը։ «Կարելի է ասել, որ իմ բախտը բերել է գենետիկայով, բայց նման արդյունքների կարելի է հասնել միայն քրտնաջան աշխատանքի շնորհիվ»,- ասում է նա։
Ռոբինսոնն այժմ մարզվում է երեք օր անընդմեջ և իրեն մեկօրյա ընդմիջում է տալիս սովորական մարզումների միջև: Առողջությունը պահպանելու համար նա նաև ամեն շաբաթ փոխում է թեթև և ինտենսիվ մարզումները։ Տղամարդը հաճախ կիսվում է իր ձեռքբերումներով սոցիալական ցանցերում և հաճախ հիացական մեկնաբանություններ է ստանում բաժանորդներից։
