Քվենտին Տարանտինոյի մասին կոմիքս կստեղծվի

Titan Comics-ը գրաֆիկական վեպ կստեղծի հոլիվուդյան կինոռեժիսոր Քվենտին Տարանտինոյի մասին։ Այդ մասին գրում է Collider-ը։

Հաղորդվում է, որ կոմիքսը, որը կոչվում է Quentin By Tarantino, կկենտրոնանա ռեժիսորի կարիերայի վրա: Աշխատանքի հեղինակը կլինի Amazing Améziane-ն։
Գրաֆիկական վեպի սյուժեն բացահայտում է Տարանտինոյի սերը սպագետտի վեսթերն ենթաժանրի նկատմամբ, նրա պատկերացումները խորհրդանշական կադրերի և երկխոսությունների մասին, որոնք նա գրել է իր ողջ կարիերայի ընթացքում: Նշվում է, որ կոմիքսում ուշադրություն է դարձվելու նաև ռեժիսորի կյանքի բազմաթիվ «զարմանալի» պահերին։