Ճապոնիայի արտաքին գործերի նախարար Յոշիմասա Հայաշին և Իտալիայի ԱԳ նախարար Անտոնիո Տայանին Ճապոնիայի Կարուիզավա հանգստավայրում G7-ի նախարարական հանդիպման շրջանակում քննարկել են երկկողմ հարաբերությունների հարցեր: Գլխավոր թեմաներից մեկը նոր սերնդի կործանիչի համատեղ ստեղծումն էր։ Այս մասին հայտնում է Ճապոնիայի ԱԳՆ-ն։
Նշվում է, որ Հայաշին հանդիպման ընթացքում հույս ունի նպաստել անվտանգության ոլորտում համագործակցությանը։ Դեկտեմբերին Ճապոնիայի, Մեծ Բրիտանիայի և Իտալիայի կառավարությունները պայմանավորվեցին գործարկել Համաշխարհային մարտական ավիացիոն ծրագիր՝ մինչև 2035 թվականը համատեղ նոր սերնդի կործանիչ մշակելու համար: Երկրներն ակնկալում են, որ Ճապոնիայում այս ինքնաթիռը կփոխարինի F2-ին, իսկ Իտալիայում և Բրիտանիայում՝ Eurofighter Typhoon-ին։ Մարտին Տոկիոյում կայացավ երեք երկրների արտգործնախարարների առաջին հանդիպումը։
Ակնկալվում է, որ արդեն 2023 թվականին երկրները կսկսեն մշակել հայեցակարգի հիմնական պլատֆորմը, իսկ հաջորդը կսկսվի ինքնաթիռի ուղղակի մշակումը։
Նաև Ճապոնիայի և Իտալիայի արտգործնախարարները կոնսենսուսի են եկել հետագա համագործակցության շուրջ՝ ֆիլմերի համատեղ արտադրության մասին համաձայնագիր ստորագրելու համար։
