Լևերկուզենի «Բայերի» գլխավոր մարզիչ Խաբի Ալոնսոն պատասխանել է հարցին, թե երբ է գլխավորելու Մադրիդի «Ռեալը»։
«Այժմ ես այստեղ եմ՝ Լևերկուզենում: Ես նման եմ Էրազմուսին (իսպանացի ուսանող, ով գտնվում է Լևերկուզենում:-Նշում «Առաջնությունից»)»,- Ալոնսոյի խոսքերն է մեջբերում Madrid Universal-ը X սոցիալական ցանցում (նախկինում՝ Twitter):
Հիշեցնենք, որ ավելի վաղ տեղեկություններ էին հայտնվել, որ իսպանացի մասնագետը շուտով կարող է փոխարինել Կառլո Անչելոտիին մադրիդյան ակումբի գլխավոր մարզչի պաշտոնում։ 2023 թվականի դեկտեմբերի 29-ին Մադրիդի «Ռեալը» հայտարարեց Անչելոտիի հետ պայմանագիրը երկարաձգելու մասին մինչև 2026 թվականի հունիսի 30-ը։
