«Բարսելոնայի» նախագահը նշել է, որ մտադրություն չի ունեցել հեռացնել Չավիին:
Մարզիչը ավելի վաղ հայտարարել էր մրցաշրջանի ավարտից հետո կատալոնական ակումբից հեռանալու իր որոշման մասին։
«Չավին ինձ ասաց, որ ավելի լավ կլինի, եթե նա հեռանա: Նա հայտարարեց իր հրաժարականի մասին և հրաժարվեց պայմանագրի մնացած մասից։ Չավին սա ասաց այնպիսի վստահությամբ, որ ստիպված էի լսել։
Ես պատասխանեցի, որ եթե մենք պետք է վիճենք նրա հետ, մենք դա կանենք, բայց նա ասաց, որ իր վրա մեծ ճնշում է եղել։ Ես համաձայնեցի մինչև հունիսի 30-ը աշխատելու տարբերակին միայն այն պատճառով, որ նա Չավին է։
Մրցաշրջանի առաջին կեսում նա թիմին դուրս բերեց Չեմպիոնների լիգայի փլեյ-օֆֆ, իսկ անցյալ տարի նվաճեց Լա Լիգան և Սուպերգավաթը։ Իսկ այս մրցաշրջանում, երբ բոլորս վստահ էինք, որ ուժեղացրել ենք կազմը, ամեն ինչ սխալ ստացվեց։ Երբեք չեմ մտածել նրան աշխատանքից հեռացնելու մասին»,- ասել է Ժոան Լապորտան։
