Ֆրանսիայի հավաքականի հարձակվող Կիլիան Մբապեն ազգային հավաքականի մարզմանը նոր սև դիմակով է մասնակցել։ Այս մասին հայտնում է RMC Sport-ը։
Հաղորդվում է, որ բժիշկները խաղացողի համար նոր դիմակ են պատրաստել, որն այսօր տրամադրվել է նրան։
Հիշեցնենք, որ Մբապեն վնասել էր քիթը Ավստրիայի հետ Եվրոպայի 2024 թվականի առաջնության խմբային փուլի 1-ին տուրի հանդիպման ժամանակ, որն ավարտվել էր ֆրանսիացիների հաղթանակով՝ 1։0 հաշվով։ Դրանից հետո հարձակվողի համար պատրաստվել էր հատուկ պաշտպանիչ դիմակ, որով նա կարող է մասնակցել հանդիպումներին։ Սակայն Նիդերլանդների հետ հանդիպմանը Մբապեն մնաց պահեստայինների նստարանին։
Երեքշաբթի օրը՝ հունիսի 25-ին, ֆրանսիացիները Եվրո-2024-ի խմբային փուլի վերջին հանդիպումը կանցկացնեն Լեհաստանի հետ։
