Մեքսիկայի կառավարությունը դադարեցրել է իր հարաբերությունները երկրում ԱՄՆ դեսպանատան հետ, երեքշաբթի հայտարարել է երկրի նախագահ Անդրես Մանուել Լոպես Օբրադորը, երբ ԱՄՆ դեսպանը քննադատել է Մեքսիկայի առաջնորդի աջակցությամբ առաջարկվող դատական բարեփոխումները, հայտնում է Reuters-ը։
Մեքսիկայի նախագահը մամուլի ասուլիսի ժամանակ պարզաբանել է, որ սառեցումը վերաբերում է միայն դեսպանատանը և ոչ ամբողջությամբ Միացյալ Նահանգներին։ Լոպես Օբրադորը նշել է, որ ԱՄՆ դեսպանատան հետ հարաբերություններում դադար է եղել, քանի որ դեսպանը ցանկանում է խոսել իրենց հետ։
«Անձնական հարց չէ, մենք լավ, կառուցողական հարաբերություններ ունեինք», – հավելել է նա:
Իր հերթին Մեքսիկայում ԱՄՆ դեսպան Քեն Սալազարն ասել է, որ բաց է Մեքսիկայի կառավարության ղեկավարների հետ՝ դատական ներկայացուցչության տարբեր մոդելներ քննարկելու համար: Լոպես Օբրադորը վերջին օրերին դատապարտել է ԱՄՆ դեսպանի քննադատությունը՝ այն անհարգալից և ինտերվենցիոնիստական որակելով։
Անցյալ շաբաթ ԱՄՆ դեսպանը բարեփոխումն, ըստ որի դատավորների ընտրությունը այսուհետև պետք է կատարվի համաժողովրդական քվեարկությամբ, մեքսիկական ժողովրդավարության գործունեության համար «լուրջ սպառնալիք» է անվանել: Նա նաև զգուշացրել է Միացյալ Նահանգների և Մեքսիկայի միջև առևտրային հարաբերությունների համար հնարավոր ռիսկերի մասին:
ԽՈՐՀՈւՐԴ Է ՏՐՎՈւՄ ԿԱՐԴԱԼ
