Օմանի ծոցում 2 նավթային լցանավերի վրա ենթադրյալ հարձակումից մի քանի ժամ առաջ իրանական կողմը ամերիկյան դրոնի վրա է արձակել «հող-օդ» դասի հրթիռ։ Այս մասին հայտնում է CNN-ն՝ վկայակոչելով իշխանությունների ներկայացուցիչներին:
Հեռուստաալիքը նշում է, որ հրթիռը վրիպել է և ընկել ջուրը:
Աղբյուրը նշում է, որ մինչև լցանավերի հրդեհվելը ամերիկյան MQ-9 Reaper անօդաչուն հետևել է լցանավերին մոտեցող իրանական նավերին: Ընդ որում՝ աղբյուրը չի ասել, թե արդյոք անօդաչուն գրանցե՞լ է լցանավերի վրա հարձակման պահը:
Հիշեցնենք, որ հունիսի 13-ին Օմանի ծոցում երկու լցանավերի վրա ենթադրյալ հարձակումից հետո տեղի էին ունեցել պայթյուններ և հրդեհներ, տեղի ունեցածի պատճառները պարզվում են: Ճապոնական Kokuka Courageous նավի անձնակազմին տահանել էր ԱՄՆ ՌԾՈՒ Bainbridge ականակիրը, իսկ նորվեգական Front Altair լցանավի անձնակազմին, որոնց թվում ռուսաստանցիներ են եղել, իրանցի սահմանապահները տարհանել են իրենց Ջասք նավահանգիստ: ԱՄՆ-ն հարձակումների մեջ մեղադրել է Իրանին:
Թեհրանը բոլոր մեղադրանքները հերքել է:
ԽՈՐՀՈւՐԴ Է ՏՐՎՈւՄ ԿԱՐԴԱԼ
