Ոստիկանների գործողություները իրավաչափ չեն եղել: Նման հայտարարությամբ է հանդես եկել ՀԿ-ի նախագահ Աշոտ Համբարձումյանը՝ անդրադառնալով Ռոբերտ Քոչարյանի աջակիցների բողոքի ակցիայի ժամանակ մասնակիցների բերման ենթարկելուն։
Նրա փոխանցմամբ՝ հիմա վարչական իրավախախտում կատարելու վերաբերյալ նյութեր են նախապատրաստվում:
«Ես գտնում եմ , որ սա օրենքի կոպիտ խախտում է: Քաղաքացին իրավունքի ունի իր կամքը, իր տեսակետը արտահայտել, պետք չէ իրենց իրավունքները սահմանափակել: Ցուցարարներին բերման են ենթարկել տարբեր պատճառներով՝ վարչական իրավախախտման, չարտոնված ակցիայի, ոստիկանի հետ լեզվակռվի և այլ պատճառներով»:
«Փաստինֆո»-ի հարցին, թե ոստիկանների գործողությունները իրավաչա՞փ են եղել, փաստաբանը պատասխանեց.
«Ես միացել եմ ակցիային 10 րոպե ուշացումով: Ես իմ աչքով եմ տեսել, որ տեղի են ունեցել սադրանքներ, որոնք չպետք է թույլ տրվեին: Սադրողները ոստիկաններն են եղել: Ճիշտ չէ ցուցարարներին օղակի մեջ վերցնել և սահմանափակել նրանց տեղաշարժի իրավունքը »:
Հիշեցնենք՝ այսօր ի աջակցություն Ռոբերտ Քոչարյանի ակցիա էր տեղի ունենում: Մի քանի ցուցարարներ բերման էին ենթարկվել:
Աղբյուր՝ pastinfo.am
ԽՈՐՀՈւՐԴ Է ՏՐՎՈւՄ ԿԱՐԴԱԼ
