Ա լիգա. Արագածն ու Ուրարտուն առաջատարի կարգավիճակում են ավարտել շրջանաձև մրցաշարը

Ավարտվել է տղամարդկանց բասկետբոլի Հայաստանի Ա լիգայի առաջնության շրջանաձև մրցաշարը, գրում է ՀԱՕԿ-ի պաշտոնական կայքը:

Աղյուսակում թիմերը դասավորվել են հետևյալ հաջորդականությամբ` «Արագած» ` 34 միավոր, «Ուրարտու -Վիվառո» ` 32, «Արցախ» ` 31, «Արթիկ-Ման Հոլդինգ» ` 30, ՖԻՄԱ `25, «Էրեբունի Սեդարս»` 23:

Առջևում քառորդ եզրափակիչ հանդիպումներն են:

Միմյանց հետ կհանդիպեն «Արցախ»-«Էրեբունի Սեդարս» և «Արթիկ-Ման հոլդինգ»- ՖԻՄԱ զույգերը:

Հաղթողներին այնուհետև կմիանան մրցաշարային աղյուսակի առաջատարներ «Արագած» և «Ուրարտու-Վիվառո» թիմերը: Ապա նոր քառյակը կիսաեզրափակիչ հանդիպումներով կորոշի չեմպիոնության համար պայքարող` գլխավոր եզրափակիչի երկու լավագույն թիմերին:

Հաղորդում է armsport.am-ը։