#Հետևեք_պաշտոնական_լրահոսին
Տեղեկատվություն է ստացվում, որ սոցիալական ցանցերում ադրբեջանական «օգտատերերը» հայ օգտատերերին ուղարկում են ապատեղեկատվություն պարունակող անձնական նամակներ:
Նամակներում հիմնականում կցված են Ապրիլյան պատերազմի և այլ գործողությունների ժամանակ արված լուսանկարներ, տեսանյութեր` փորձելով համոզել, թե հայկական կողմն այժմ լուրջ կորուստներ ունի և թաքցնում է դրանք:
Անմիջապես արգելափակեք նման «օգտատերերին», ովքեր իրականում ադրբեջանական հատուկ ծառայությունների կողմից են համակարգվում:
Հիշեցնենք, որ Ադրբեջանական հատուկ ծառայությունները շարունակում են մեդիադաշտը լցնել կեղծ տեղեկատվություններով։ Այժմ հակառակորդը տեղեկություն է տարածում, թե իբր երեկ՝ հուլիսի 13-ին, հայկական կողմն ունեցել է 66 զոհ։ Այս տեղեկությանը կցված է անուն-ազգանուններով և ծննդյան տարեթվերով ցուցակ։
«Տեղեկատվության ստուգման կենտրոնը» հայտնում է, որ տարածվող տեղեկությունը կեղծ է, իսկ ցուցակում ապրիլյան պատերազմի ընթացքում զոհված հայ զինվորների անուններն են։
Ավելի վաղ Ադրբեջանի պաշտպանության նախարարությունը հայտարարել էր, թե իբր հայկական կողմը 100 զոհ ունի։ Հենց այս հայտարարությունից հետո, սեփական սուտը համոզիչ դարձնելու համար, ադրբեջանական հատուկ ծառայությունները սկսեցին տարածել ապրիլյան պատերազմի զոհերի ցուցակը։
Հարգելի քաղաքացիներ, մի՛ տարածեք նմանօրինակ գրառումներ, այդպիսով դուք նպաստում եք ադրբեջանական քարոզչության վերարտադրմանը։ Հետևեք միայն պաշտոնական լրահոսին, իսկ կասկածելի և ոչ արժանահավատ տեղեկատվությունները կարող եք փոխանցել «Տեղեկատվության ստուգման կենտրոնին», մենք կստուգենք լուրի իսկությունն ու կհայտնենք ձեզ դրա մասին։
ԽՈՐՀՈւՐԴ Է ՏՐՎՈւՄ ԿԱՐԴԱԼ
