Ադրբեջանում ձերբակալել են Ռուսաստանի քաղաքացի Ալու Ալամախմադի Իդիգովին, որը լուսանկարահանում ու տեսանկարահանում է իրականացրել Արցախին սահմանակից ադրբեջանական Տերտերի շրջանի գյուղերից մեկում։ Այս մասին հայտնում է ադրբեջանական մամուլը։
Նա ոստիկաններին հայտնել է, որ նկարահանումն իրականացրել է Ռուսաստանում ապրող հայ ընկերոջ խնդրանքով․ հայ ընկերոջ մայրն ապրել է այդ գյուղում, ու նա խնդրել է Ադրբեջան այցելելիս նկարել հայրական տունը։
Ադրբեջանում ռուսաստանցի զբոսաշրջիկից առգրավել են տեսանկարահանող սարքերը, ջնջել դրանց պարունակությունն ու բաց թողել նրան։
