Ազգային ժողովի 11 մշտական հանձնաժողովների նախագահների պաշտոններում առաջադրված բոլոր թեկնածուներն էլ այսօր ընտրվեցին, քիչ առաջ ԱԺ ամբիոնից հայտարարեց ԱԺ Հաշվիչ հանձնաժողովի նախագահ Վահագն Հովակիմյանը:
Ընտրություններին մասնակցել է 129 պատգամավոր:
Այսպես, ըստ քվեարկության արդյունքների՝
Նարեկ Զեյնալյանը ընտրվեց Առողջապահության և սոցիալական հարցերի մշտական հանձնաժողովի նախագահ: Նրա օգտին քվեարկել էր 112 պատգամավոր: Դեմ էին 16-ը:
Ռուբեն Ռուբինյանը ընտրվեց Արտաքին հարաբերությունների մշտական հանձնաժողովի նախագահի պաշտոնում: Նրա օգտին քվեարկել է 117 պատգամավոր: Դեմ են եղել 12 պատգամավոր:
Մխիթար Հայրապետյանը՝ Գիտության, կրթության, մշակույթի, սփյուռքի, երիտասարդության և սպորտի հարցերի մշտական հանձնաժողովի նախագահ: Նրա օգտին քվեարկել է 116 պատգամավոր: Դեմ է եղել 1 պատգամավոր:
Արման Եղոյանը՝ Եվրոպական ինտեգրման հարցերի մշտական հանձնաժողովի նախագահ: Նրա օգտին կողմ էր քվեարկել 108 պատգամավոր: Դեմ էին 17-ը: 4 քվեաթերթիկ համարվել է անվավեր:
Անդրանիկ Քոչարյանը ընտրվեց Պաշտպանության և անվտանգության հարցերի մշտական հանձնաժողովի նախագահ: Նրա օգտին քվեարկել էր 122 պատգամավոր: Դեմ են եղել 4-ը:
Վլադիմիր Վարդանյանը ընտրվեց Պետական-իրավական հարցերի մշտական հանձնաժողովի նախագահ: Նրա օգտին կողմ էր քվեարկել 122 պատգամավոր: Դեմ է եղել 6 պատգամավոր:
Վարազդատ Կարապետյանը՝ Տարածքային կառավարման, գյուղատնտեսության, շրջակա միջավայրի և կայուն զարգացման հարցերի մշտական հանձնաժողովի նախագահ: Նրան կողմ էր քվեարկել 127 պատգամավոր, 2-ն էլ՝ դեմ:
Բաբկեն Թունյանը՝ Տնտեսական հարցերի մշտական հանձնաժողով։ Նրա օգտին կողմ էր քվեարկել 123 պատգամավոր, դեմ՝ 6:
«Բարգավաճ Հայաստան»-ից Նաիրա Զոհրաբյանն ընտրվեց Մարդու իրավունքների և հանրային հարցերի մշտական հանձնաժողովի նախագահ: Նրան կողմ էր 127 պատգամավոր, դեմ՝ 2-ը:
Իսկ Միքայել Մելքումյանը՝ Տարածաշրջանային և եվրասիական ինտեգրման հարցերի մշտական հանձնաժողովի նախագահ։ Նրան կողմ էր 122 պատգամավոր: Դեմ է արտահայտվել 6 պատգամավոր:
«Լուսավոր Հայաստան»-ից Մանե Թանդիլյանը ընտրվեց Ֆինանսավարկային և բյուջետային հարցերի մշտական հանձնաժողովի նախագահ: Նրան կողմ էր քվեարկել 116 պատգամավոր: Դեմ էին՝ 10-ը:
ԽՈՐՀՈւՐԴ Է ՏՐՎՈւՄ ԿԱՐԴԱԼ
