ԱՀ ԱԺ նախագահը հանդիպել է խորհրդարանի «Արդարություն» խմբակցության անդամների հետ-Azat TV
Արցախ
14:50 17/08/2021, 14:50

ԱՀ ԱԺ նախագահը հանդիպել է խորհրդարանի «Արդարություն» խմբակցության անդամների հետ

Օգոստոսի 17-ին ԱՀ Ազգային ժողովը հայտնում է, որ խորհրդարանի ղեկավարը ընդունել է «Արդարություն» խմբակցության անդամներին:

«ԱԺ նախագահը ողջունելով խմբակցության անդամներին՝ ներկայացրել է իր՝ որպես խորհրդարանի ղեկավարի պաշտոնական և ոչ պաշտոնական, ինչպես նաև չլուսաբանված հանդիպումների մասին տեղեկատվություն և դրանցից ակնկալված ու ստացված արդյունքները:

Արթուր Թովմասյանը կարևորել է Արցախի «Արդարություն» կուսակցության գործունեությունը՝ որպես երկրում գործող ընդդիմադիր ուժի և ընդգծել. «Եթե իշխանությունը իր թիկունքում չզգա ընդդիմության շունչը, ապա այն լճացում կապրի բառիս ամբողջական իմաստով»:

Խմբակցության ղեկավար Դավիթ Գալստյանը գոհունակություն է հայտնել ընդունելության համար, կիսվել խմբակցության մտահոգություններով և հույս հայտնել,որ նման ձևաչափով հանդիպումները կլինեն շարունակական:

Հանդիպմանը քննարկվել են ՀՀ ԱԺ-ում Արցախի հարցերով հանձնաժողովի ստեղծման անհրաժեշտության և կարևորության մասին, ԱՀ և ՀՀ միջխորհրդարանական կապերի վերականգնմանն ու ակտիվացմանն առնչվող և այլ հարցեր:

ԱԺ նախագահը վստահեցրել է, որ խմբակցության կողմից ներկայացված ցանկացած առաջարկ պատրաստ են քննարկելու»,- ասվում է հաղորդագրության մեջ։

ԱՄԵՆԱԴԻՏՎԱԾՆԵՐԸ

ՎԵՐ