«Մանչեսթեր Յունայթեդը» պատրաստ է 60 միլիոն եվրոյով գնել հարձակվող Անտուան Գրիզմանին, հայտնում է Fichajes-ը:
Աղբյուրի տեղեկություններով՝ «Մանչեսթեր Յունայթեդը» ցանկանում է հարձակվող ձեռք բերել՝ թիմից մեկ ամիս առաջ հեռացած Կրիշտիանու Ռոնալդուին փոխարինելու համար։
«Ատլետիկոն» Գրիզմանի տրանսֆերային իրավունքները գնել է «Բարսելոնայից» 2022 թվականի ամռանը։ Ինքը՝ ֆուտբոլիստը, չի ցանկանում հեռանալ մադրիդյան ակումբից։
31-ամյա Գրիզմանը 2022 թվականի աշխարհի առաջնությունում Ֆրանսիայի հավաքականի կազմում 3 գոլային փոխանցում է կատարել 7 խաղում։