Ժորդի Ալբան հայտարարել է «Բարսելոնայից» հեռանալու մասին։
Պաշտպանը հայտարարել է կատալոնական ակումբից հեռանալու մասին՝ իր սոցիալական ցանցերում տեսանյութ հրապարակելով։ «Բարսելոնան» հայտարարել է, որ Ալբայի հետ պայմանագիրը, որն ուժի մեջ էր մինչև 2024 թվականը, կողմերի համաձայնությամբ կխզվի։
Ժորդի Ալբան «Բարսելոնայում» հանդես է գալիս 2012 թվականից։ Ակումբի հետ նա 6 անգամ հաղթել է Լա Լիգան, 5 անգամ հաղթել է Իսպանիայի գավաթը, 4 անգամ հաղթել Իսպանիայի Սուպերգավաթը։ Նա թիմի հետ հաղթել է նաև Չեմպիոնների լիգան, Եվրոպայի սուպերգավաթը և աշխարհի ակումբային առաջնությունը։
Նա մինչ այժմ «Բարսելոնայի» կազմում անցկացրել է 458 հանդիպում՝ դառնալով 19 գոլի և 91 գոլային փոխանցման հեղինակ։
