Ադրբեջանական Գաբալա քաղաքում հանդիպել են Վրաստանի և Ադրբեջանի պաշտպանության նախարարները:
Լևան Իզորիան և գեներալ-գնդապետ Զաքիր Հասանովը քննարկել են ռազմական ոլորտում երկկողմ հարաբերությունները և հույս հայտնել, որ ապագայում համագործակցությունն էլ ավելի կխորանա:
Լևան Իզորիան շնորհակալություն է հայտնել ադրբեջանցի գործընկերոջը Վրաստանի ինքնիշխանությանն ու տարածքային ամբողջականությանը աջակցելու համար և նշել պաշտպանական ոլորտում համագործակցության ակտիվ դինամիկան ինչպես երկկողմ, այնպես էլ եռակողմ ձևաչափերով:
Պաշտպանության նախարարները գերատեսչությունների միջև երկկողմ համագործակցության ծրագիր են ստորագրել: