Կոլումբիայում իրավապահները ձերբակալել են աշխարհի ամենաորոնվող թմրաբարոնը համարվող` Օտոնիել մականունով Դիրո Անտոնիո Ուսուգային։
Այս մասին հայտնում է BBC-ն։
Նշվում է, որ Օտոնիելը 2012 թվականից գլխավորում է «Ծոցի կլան» խոշորագույն խմբավորումը, որի անդամ են ավելի քան 1200 անձ։
Այս խմբավորումը զբաղվում է թմրանյութերի շրջանառությամբ, մարդկանց առևտրով և այլ հանցավոր գործունեություններով։
Ըստ աղբյուրի՝ Օտոնիելին ձերբակալելու օպերացիային մասնակցել են 500-ից ավել զինվորական ու ոստիկան և 22 ուղղաթիռ։
Օտոնիելին արդեն իսկ մեղադրանքներ են առաջադրվել ու պատրաստվում են նրան արտահանձնել Ամերիկայի Միացյալ Նահանգներ։
Կոլումբիայի նախագահն այս ձերբակալությունը համարել է ամենամեծ հարվածը՝ երկրում թմրանյութերի անօրինական շրջանառությանը։ Նա նշել է, որ սա կարելի է համեմատել միայն 1990-ականների Պաբլո Էսկոբարի անկման հետ։