Ղազաղստանը և Թուրքիան համատեղ ԱԹՍ-ների արտադրություն կսկսեն

Ամենադիտվածներ

Ղազաղստանը և Թուրքիան համատեղ ԱԹՍ-ների արտադրություն կսկսեն

Թուրքիայի օդատիեզերական արդյունաբերության ընկերությունը և Kazakistan Engineering-ը համագործակցության պայմանագիր են ստորագրել:

Այս մասին հայտնում է թուրքական «Անադոլու» լրատվական գործակալությունը:

Կնքված պայմանագրի համաձայն՝ թուրքական արտադրության ANKA հարվածային անօդաչու թռչող սարքերը կարտադրվեն Ղազախստանում թուրք-ղազախական համագործակցությամբ:

Թուրքիայի և Ղազախստանի միջև նախորդ տարի կնքված պայմանագրի համաձայն՝ մինչ այս ANKA անօդաչու սարքերը մատակարարվում էին Ղազախստանին:

Նշվում է, որ ըստ նոր պայմանագրի՝ անօդաչու թռչող սարքի սպասարկումն ու վերանորոգումը նույնպես կիրականացվի Ղազախստանում:

Այս պայմանագրի կնքմամբ՝ Ղազախստանը կդառնա առաջին արտասահմանյան երկիրը, որտեղ կհիմնադրվի ANKA անօդաչու թռչող սարքերի արտադրությունը։

|
Հրապարակող:Ազատ TV Խմբագրություն

Ամենաթարմ