Հայաստանի ֆուտբոլի ազգային հավաքականի ավագ, «Ռոմայի» առաջատար ֆուտբոլիստներից համարվող Հենրիխ Մխիթարյանը չի կողմնորոշվում հռոմեական ակումբում մնալու հարցում։
Այս մասին հայտնում է Il Messaggero-ն։
Նշվում է, որ Մխիթարյանն ու նրա գործակալ Մինո Ռայոլան երկմտանքի մեջ են ու ֆուտբոլիստն իր վերջնական որոշումը կարող է կայացնել այս մրցաշրջանի ավարտին, երբ կավարտվի նաև հայ կիսապաշտպանի պայմանագրի ժամկետը։
Հիշեցնենք, որ ավելի վաղ լուրեր էին շրջանառվում՝ Մխիթարյանով Թուրինի «Յուվենտուսի» հետաքրքրության մասին։