ԱՄՆ-ն Վրաստանին կոչ է անում՝ Սաակաշվիլիին վերաբերվել արդար և արժանապատիվ

ԱՄՆ պետդեպը Վրաստանի կառավարությանը կոչ է արել Վրաստանի նախկին նախագահ Միխեյիլ Սաակաշվիլիի նկատմամբ դրսևորել արդար և արժանապատիվ վերաբերմունք։

Այս մասին ասվում է պետական կառույցի տարածած հայտարարության մեջ։

Այնտեղ ողջունվում է Վրաստանի ՄԻՊ-ի կողմից անկախ բժշկական հանձնաժողով ստեղծելու որոշումը, որը պետք է վերահսկողական աշխատանք իրականացնի Սաակաշվիլիի առողջական վիճակի հանդեպ։

Պետդեպը կոչ է արել Վրաստանի իշխանություններին լսել ՄԻՊ-ի առաջարկները ու ականջալուր լինել դրանց։

Պետդեպից նաև խստորեն կոչ են արել՝ երաշխավորել, որ Սաակաշվիլին կարողանա մասնակցել իր դեմ ուղղված բոլոր դատավարություններին։