Անգլիայի Սլաու քաղաքում հրդեհվել է լեգենդար Pinewood կինոստուդիան։
Այս մասին հայտնում է The Sun-ը։
Նշվում է, որ հրդեհ է բռնկվել ստուդիայի համալիրի մի քանի արհեստանոցներում, իսկ շինհրապարակից իսկական ծխե ամպեր են բարձրացել վեր։
Ըստ աղբյուրի՝ հրդեհը բռնկվել է ուժեղ պայթյունից հետո։
Դեպքի պատճառներն ու հանգամանքները պարզվում են։
Նշենք, որ այս կինոստուդիան համարվում է Ջեյմս Բոնդի մասին պատմող ֆիլմերի ֆրանշիզների տուն։
