ԱՄՆ-ում շունը զգուշացրել է տիրուհուն հարևանի տան հրդեհվելու մասին և փրկել է ընտանիքի երեք անդամի կյանքը: Այս մասին հաղորդել է WKMG ClickOrlando տեղեկատվական պորտալը:
Միջադեպը տեղի է ունեցել Ֆլորիդա նահանգում մարտի 20-ի լույս գիշերը: Ամբեր Ուոկերը՝ շան տիրուհին, պատմել է, որ չի կարողացել քնել ամբողջ գիշեր. Անգել մականունով շունն անընդհատ ցատկոտել է և ամեն կերպ փորձել իր ուշադրությունը գրավել: Կինը նայել է պատուհանից և տեսել հարևանի տանը բռնկվող հրդեհը:
«Ես և փոքր եղբայրս արագ վազեցինք հարևանների տուն ու սկսեցինք ուժգին թակել դուռը, որ փրկենք տանը եղող երեխաներին»- պատմում է Ուոկերը:
Ավելի ուշ հասան հրշեջները և մարեցին կրակը: Այսպսով՝ ոչ ոք չտուժեց:
Համապատասխան ծառայությունները զբաղվում են հրդեհի ծագման պատճառների ուսումնասիրությամբ:
