Նախկին արքայազնը նախնական 1.8 միլիոն ֆունտ ստեռլինգի վճարման պարտավորություն ուներ՝ ծածկելու ամբողջ կալվածքի վերանորոգման և վերականգնման ծախսերը։ Այնուամենայնիվ, քանի որ նա հանձնել էր վարձակալությունը առաջին 25 տարվա ընթացքում, համաձայն պայմանագրի պայմանների, նա իրավունք ուներ փոխհատուցում ստանալու։ Հաշվի առնելով 302,000 ֆունտ ստեռլինգի փոխհատուցումը՝ նրա զուտ ծախսերը կազմել են 1.5 միլիոն ֆունտ ստեռլինգ, ընդ որում, տեղեկությունների համաձայն, Թագավոր Չարլզը մասնակցել է ծախսերի հոգալուն իր մասնավոր միջոցներից։
Վարձակալության դադարեցում և ֆինանսական կարգավորում
Ինչպես հաղորդում է Associated Press-ը, Crown Estate-ը հաստատել է, որ վարձակալությունն պաշտոնապես ավարտվել է, և այժմ կենտրոնացած է գույքի հետագա օգտագործման և պետության համար լրացուցիչ ֆինանսական արժեք ստեղծելու հնարավորությունների վրա։ 30 սենյոցանոց առանձնատունը նրա երկարամյա բնակավայրն էր, նախքան հանրային ճնշման և Ջեֆրի Էպշտեյնի գործով հետաքննությունների հետևանքով նրա տեղափոխվելը։
Վնասների դիմաց փոխհատուցում ստանալը ստանդարտ ընթացակարգ է վարձակալության ավարտի դեպքում։ Page Six-ի փոխանցմամբ՝ Մաունթբատեն-Վինձորը և նրա նախկին կինը՝ Սառա Ֆերգյուսոնը, իրավունք ունեին ստանալ վաղաժամկետ դադարեցման վճարը, քանի որ նրանք կատարել էին վերանորոգումներ և ազատել էին տարածքը մինչև պայմանագրի ժամկետի լրանալը։
Նախապատմություն և իրավական մարտահրավերներ
Վարձակալության դադարեցումը հաջորդում է Յորքի նախկին դուքսի համար բարդ ժամանակաշրջանին։ Ավելի վաղ այս տարի Թագավոր Չարլզը զրկել էր նրան արքայական տիտղոսներից և հովանավորություններից, ինչից հետո նա տեղափոխվել էր Նորֆոլկում գտնվող Սանդրինգհեմի արքայական կալվածքի Մարշ Ֆերմ բնակավայր։ Հանրային ուշադրությունն ավելի էր սրվել այն բանից հետո, երբ Աուդիտի ազգային գրասենյակի հետաքննությունը բացահայտել էր, որ նա ենթավարձակալության էր տվել երեք քոթեջ կալվածքի տարածքում՝ ավելի քան երկու տասնամյակ վճարելով միայն խորհրդանշական վարձավճար։
Առանձին իրավական գործընթացում Մաունթբատեն-Վինձորը վերջերս հաղթել էր Թեմս Վելիի ոստիկանության դեմ դատական վերանայման գործը՝ կապված խուզարկության օրդերների օրինականության հետ։ Բարձր դատարանի դատավորը վճռել էր, որ ոստիկանությունը ստացել էր խուզարկության լիազորությունները սխալ օրենսդրական դրույթի հիման վրա, ինչը օրդերները ճանաչել էր անօրինական։ Միևնույն ժամանակ, իրավապահ մարմինները հայտարարում են, որ դատավարական սխալը չի խաթարի հիմնական հետաքննությունը, որը ծագել էր ԱՄՆ Արդարադատության նախարարության փաստաթղթերի հրապարակումից հետո։