Ես գիտեմ, որ մենք նման չենք սըր Ալեքս Ֆերգյուսոնի ժամանակաշրջանի թիմին, բայց մենք ունենք ֆուտբոլիստներ՝ ճիշտ մտածելակերպով։ Այս մասին ասել է «Մանչեսթեր Յունայթեդ»-ի գլխավոր մարզիչ Ուլե-Գունար Սուլշերը՝ խոսելով թիմի ներկայիս կազմի մասին.
«Մենք ունենք ֆուտբոլիստներ, որոնք անցնում են մեր դպրոցն ու ունեն այն մտածելակերպը, որը ես ցանկանում եմ ստեղծել այս թիմում: Հենց դա էլ «Մանչեսթեր Յունայթեդ»-ի մշակույթն է»,-ասել է մարզիչը։
Սուլշերն անկեղծացել է, որ իր համար սա բարդ աշխատանք է, առաջին քայլերն են:
«Անհնար է մնալ այս ակումբում, երբ ամբողջովին չես տրվում թիմին: Երբ ես եկա, թիմը լավ վիճակում չէր: Իհարկե, մենք սըր Ալեքսի թիմը չենք, որը հաղթել է Անգլիայի առաջնությունում:
Այս տղաները մեծ հաղթանակների փորձ չունեն, բայց դա, անկասկած, տեղի կունենա առաջիկա մի քանի տարում»,-նշել է մարզիչը՝ ընդգծելով, որ դա այն է, ինչի համար իրենք աշխատում են։ Այս մասին հաղորդում է Daily Mail-ը: