ՀՀ փոխվարչապետի պաշտոնակատար Տիգրան Ավինյանը Facebook-ի իր էջում գրառում է կատարել, որում նշել է, որ 1918թ. այս օրերին մենք հռչակեցինք մեր առաջին անկախ Հանրապետությունը։
Մեր պատմական հայրենիքում անկախ պետականության` մոտ հազարամյա բացակայությունից հետո դժվարին պայմաններում կրկին հնարավորություն ստացանք աշխարհում ունենալ մեր անկախ ու ինքնիշխան պետությունը։ Պետություն ունենալու մեր իրավունքը վաստակեցինք Սարդարապատի, Բաշ-Ապարանի և Ղարաքիլիսայի գոյամարտերում։
«Շնորհավորում եմ մեր անկախ պետականությունը խորհրդանշող Հանրապետության տոնը։ Թեպետ այն նշում ենք մեր պետությանը բաժին հասած ծանր և նույնաբնույթ մարտահրավերների պայմաններում, սակայն համոզված եմ, որ միասնական ուժերով դուրս ենք գալու այս վիճակից, քանի որ ինքնիշխան, ազատ, անկախ Հայաստանի գոյությունը այլընտրանք չունի»,- գրել է Տիգրան Ավինյանը։
https://www.facebook.com/tigran.avinyan/posts/2751486661822403
