Apple-ը սեպտեմբերի 7-ի շնորհանդեսի ժամանակ ներկայացնելու է գաջեթների առնվազն երեք կատեգորիա՝ սմարթֆոններ, ժամացույցներ և ականջակալներ։ Այս մասին հայտնում է Bloomberg-ը։
Լրագրող և հրապարակման ինսայդեր Մարկ Գուրմանը բացահայտել է բոլոր նոր սարքերը, որոնք Apple-ը կթողարկի աշնանային միջոցառմանը: Ամերիկյան ընկերությունը նախ կներկայացնի iPhone 14 սերիայի սմարթֆոններ, որոնք կթողարկվեն չորս տարբերակով՝ երկու Pro մոդել և երկու ստանդարտ տարբերակ։ Նշվում է, որ ամենակարևոր թարմացումները վերաբերելու են iPhone 14 Pro և 14 Pro Max սարքերին։
Pro մոդելները կունենան թարմացված էկրանի կտրվածք, նոր 48 մեգապիքսել տեսախցիկ և ավելի մեծ մարտկոց։ Հեռախոսները հավանաբար կկորցնեն իրենց ֆիզիկական SIM քարտի բնիկը:
Նաև միջոցառման ժամանակ ՏՏ հսկան պետք է ներկայացնի ժամացույցի երեք նոր մոդել՝ առաջատար Apple Watch 8-ը, պարզեցված SE ժամացույցների հաջորդ սերունդը և մարզիկների համար ամուր խելացի ժամացույցը՝ Apple Watch Pro: Եզրափակելով, Apple-ը կցուցադրի AirPods Pro 2 անլար ականջակալներ. ականջակալների մոդելը չի թարմացվել 2019 թվականից:
Apple-ի գաջեթների շնորհանդեսը տեղի կունենա սեպտեմբերի 7-ին։ Ավելի վաղ Bloomberg-ի աղբյուրները հայտնել էին, որ ներկայացված սարքերի վաճառքի մեկնարկը նախատեսված է սեպտեմբերի 16-ին։
ԽՈՐՀՈւՐԴ Է ՏՐՎՈւՄ ԿԱՐԴԱԼ
