Armenian Airlines-ը տեղեկացնում է, որ ավիաընկերության օդանավի պլանային տեխնիկական աշխատանքների (C-check) ուշացման պատճառով թռիչքների վերսկսման ժամկետները փոփոխվել են։ Այս փոփոխությունը պայմանավորված է տեխնիկական սպասարկման աշխատանքների երկարաձգմամբ։
Ավիաընկերությունը առաջարկում է չեղարկված թռիչքների ուղևորներին երկու տարբերակ՝
- Տոմսի արժեքի ամբողջական փոխհատուցում։
- Թռիչքի ամսաթվի փոփոխություն։
Փոխհատուցման համար անհրաժեշտ է դիմել տոմսի գնման վայր կամ կազմակերպություն։
Թռիչքի ամսաթիվը փոխելու կամ լրացուցիչ տեղեկությունների համար ուղևորները կարող են գրել help@armenianairlines.am էլեկտրոնային հասցեին՝ կցելով ավիատոմսը և թողնելով կոնտակտային հեռախոսահամար։
Ավիաընկերությունը տեղեկացնում է, որ ակտիվ աշխատանքներ են տարվում թռիչքները հնարավորինս շուտ վերականգնելու ուղղությամբ։ Նախատեսվում է, որ չվացուցակը կվերականգնվի հաջորդ շաբաթվա ընթացքում։
Armenian Airlines-ը հայցում է ուղևորների ներողամտությունը պատճառված անհարմարության համար և երախտագիտություն հայտնում համբերության համար։