Համատեղ համաձայնագրի շրջանակներում ՏՏ կորպորացիաները՝ Apple-ը, Google-ը և Microsoft-ը,խոստացել են գործարկել և պահպանել ինտերնետում թույլտվության միասնական ստանդարտ: Այս մասին հայտնում է Apple-ի կայքը։
«Ստանդարտը մշակվել է FIDO Alliance-ի և World Wide Web Consortium-ի կողմից: Սա թույլ կտա կայքերին և հավելվածներին առաջարկել հետևողական, անվտանգ և հեշտ մուտք առանց գաղտնաբառի: Մինչ գաղտնաբառերի կառավարիչները առաջարկում են աստիճանական բարելավումներ, ամբողջ ոլորտում աշխատանք է տարվում մուտքի ավելի հարմար և անվտանգ տեխնոլոգիա ստեղծելու համար»,- գրել է Apple-ը։
